لا يا حبيبي لا من يسوي سواياك
هو طاريٍ لك شي وإلا طبيعة
أسايرك وأجمالك وأطلب رضاك
وأرضى بظلمك بس ما أرضى الخديعة

اللي شراك العمر ما يوم خلاك
ما حدك الله يا حبيبي تبيعه
لولاك عنده شي ما قال لولاك
ما هز غصن الشوق نسمة ربيعه

أحرقت دم القلب وأحرقت ذكراك
وتداعى صيف الحب ساعة ربيعه
عنيت من صدك وجورك وجفواك
حتى عذولك في حبيبك تطيعه

خطفت عين الحب في يوم فرقاك
واليوم لا تخطف جمال الطبيعة
بليتني عسى الليالي تبلاك
الناس واجد وأرض ربي وسيعة