أنا كلي ملكك
أنا كل حاجة حبيبي فيا بتناديك
أنا مش بحبك
الحب كلمة قليلة بالنسبة ليك

إنته فرحة جت لعندي
بعد عمر من التعب
في السعادة اللي بعيشها
يا حبيبي إنت السبب
ضحكتك عقلك جنونك
والحنان اللي في عيونك
هوصف إيه وأحكيلك إيه

أنا كلي ملكك
أنا كل حاجة حبيبي فيا بتناديك
أنا مش بحبك
الحب كلمة قليلة بالنسبة ليك

معاك بضحك وبفرح
ما بقتش خايفة
إزاي هخاف وأنا بين إيديك
ساعات بخيالي بسرح
قبل أما بحلم
كل حاجة ألاقيها فيك

والسنين هتفوت وتمشي
منك إنت أنا مش همل
بوعدك يا حبيبي عمري
شوقي ليك ما في يوم يقل
هبقى فرحك وقت حزنك
في التعب تلاقيني حضنك
كل يوم من عمري ليك

أنا كلي ملكك
أنا كل حاجة حبيبي فيا بتناديك
أنا مش بحبك
الحب كلمة قليلة بالنسبة ليك