لو سمحتوا ثانيه
إحنا في دنيا فانيه
وفي زمن لو إحتجت فيه
إحتجت فيه إيد تدفيك
إبقى إمسك إيدك التانيه

ومن النهاردة هدلعني
هخرج معايا وأمتعني
وإن طلبت إني أتكلم
هتكلم وأنا هسمعني

هقوم أرقصلي وأغنيلي
وهسقفلي وأسمعني
أحلى يا عيني يا ليلي يا ليلي
وهزغزغني وأضحكني

مش عايزكوا عندي غيركوا
حتى غيركوا عندي غيرهم
بس أنا من جوا قلبي للأمانه
زهقت منكم

وهخلص السهرة معايا
وهطلع أعشيني
أو أحتمال أنزل مع نفسي
على النيل أمشيني
وقبل ما أروح بيتي
هفاجئني وأجيبلي هديه
وقبل ما أنام
هكلمني وأطمن عليا

هقوم أرقصلي وأغنيلي
وهسقفلي وأسمعني
أحلى يا عيني يا ليلي يا ليلي
وهزغزغني وأضحكني

مش عايزكوا عندي غيركوا
حتى غيركوا عندي غيرهم
بس أنا من جوا قلبي للأمانه
زهقت منكم