شكل المكان زي ما كان
ما تغيرتش حاجات كتير
شايف بعيني ذكريات
من قلبي حبيتها بضمير

أجمل سنين أنا عشتها كانت هنا
كل اللي ناقص في المكان إنتي وأنا
وتفاصيل كتير مش ممكن
أحسها من غيرك

معقول أكون موحشتكيش
من يوم بعدنا مش بعيش
رغم الفراق ما فرقتنيش
عندك خلاص واقفة الحياة
من بعد حضنك حضني مات
وكلامي يشبه للسكات
فاضلي منك ذكريات
واللي فاضلي مني آه

بيلف صوتك في المكان
لسّه صورنا على الرفوف
وكلام كتبته من زمان
وضحكتك بين الحروف
إسمك حبيبتي في كل لحظة أنا بنطقه
إحساس بعادك كل يوم أنا برفضه
ولا عمر قلبي في يوم هيحس
بواحدة تانية غيرك

معقول أكون موحشتكيش
من يوم بعدنا مش بعيش
رغم الفراق ما فرقتنيش
عندك خلاص واقفة الحياة
من بعد حضنك حضني مات
وكلامي يشبه للسكات
فاضلي منك ذكريات
واللي فاضلي مني آه