معلش إستحمليني
إنتي بس اللي بتديني
فرصة أحكي وتسمعيني
معلش إستحمليني

عارفك لمّا تواجهيني
مش بتضعفي وتجامليني
لا بتزهقي ولا بتملي
سمعاني وكتمالي سري
صدقك بس هو فعلاً
حقيقي اللي فاضلي

قالوا الصديق وقت الضيق
دلوقتي بقى سببه
ما تسألش الحبيب ليه مشيت
عشان حضر خلاص عذره
هتموت مرتين لو قلبك
رجع للي خذلوه

مية شكراً للي وجعنا
وخان فجأة الأمانة
كده كنا هنتعب أكتر
لو كان طول معانا
شكراً للي علمنا
نهاية التقدير إهانة

الغدر ما جاش غير من اللي
بحكيلهم أوجاعي
فكروني بالغنم
أكمل ولا مافيش داعي
يعيش عمره خايف من الديابة
وفي النهايه ياكله الراعي
معلش إستحمليني

ويا جمالك
وإنتي في حالك ساكتة بتسمعي
ولا عمرك إشتكيتي رغيي
ولا مني بتصدعي
شكراً تعبتك معايا
تصبحي على خير يا مرايا

معلش
ما حدش فينا بيتعلم ببلاش
أتجرح وأتعلم
ولا أبقى ساذج وسط الناس
ما بلاش تستنى أي حاجة من أي حد
صاحبك بجد ما يسيبكش لو الوقت شد
ولا أقولك كويس إنه سابك
إعرف قيمة غيابك
العيار اللي ما يقتلش يقويك
ده إحنا في وسط غابة
يمكن عشان غلابة

معلش
طولت عليكي في الكلام شوية
تقلت عليكي
عشان عارف إنتي اللي باقيه ليّا
دنيا وضاقت عليّا
ما فضلش ليّا غير الأغاني والمراية ديا
أفضفض ليها وتسمعني
مافيش مكان في الكون يساعني
كان نفسي أقول اللي جوايا
وأقول لمين ده كله باعني