نادني لو من بعيد بصوت هادي
أسمعك في زحمة الأصوات عادي
ينكتب إسمي على لسانك قصيدة
لا حياة إلا لمن صوتك ينادي

ما تشوف عيوني إلا لون طيفك
حوله الأزوال باللون الرمادي
جيتك وغاية مرادي بس أحبك
بس حبك غاية أكبر من مرادي

لا تهمك لهفتي كمل برودك
أنصر الظالم إذا المظلوم بادي
حط يدينك على خدك وناظر
فالغريق اللي يلوح للأيادي

طالبٍ قربك وراضي في غيابك
موقفي ما بيني وبينك حيادي
دامك لغيري وأنا ماني لغيرك
غصب أحس بغربتي داخل بلادي