مكتوب لي والا لغيري أنا لك
وإنته متى ما أحتجتني قول وأجيك
كذا كذا كلي بكلي حلالك
ولا معي أي حق أرفض أمانيك

عينك تأشر بس وأبشر بفالك
أجيك كلي بين آمر ولبيك
معالي احساسك وحضرة جمالك
مني رضا أو غصب عني أموت فيك

قلبي ترك هالكون كله وجالك
وأنا مسلمني بنفسي لأياديك
ترحل تجي تحضر تغيب الغلا لك
يحرم علي أحب غيرك وأجافيك

لا عاش قلبي ما يبي وصالك
وأزعل الدنيا إذا كان يرضيك
عايش عليك وكل همي دلالك
أفرح لفرحك وأحزن لحزن يأذيك