شعوري فاق كل اللي توقعته بكثير أكثر
أنا أصلاً ترا قلبي بسيطة حيل رغباته
رماك الله في دربي وربي دايم أكبر
يجازي عبده لي منه صبر بأكبر طموحاته

معاك أعيش أيامي وكني بالعمر أصغر
وأصغر حتى من طفل تهمه بس لعباته
رساله منك في ليلي يطير النوم اظل وأسهر
افكر فيها كلماتك واعد لقلبي كلماته

أحس اليوم أنا وياك على كل شي حلو أقدر
قبل جولات وقتي ما تحملها وصولاته
حبيبي لو أقول أي شي من الماضي أنا أذكر
كذبت لأنك لعمري أصله وكل بداياته