مر السحاب ومدت إيدينها فوق
أخترت هذي وإنت شف لك سحابه
قلت ويديني تحتضنها مثل طوق
أخترت هذي هذي أكثر رحابه

هذي دفا صوت من البرد مخنوق
هذي سؤال نصف عمري جوابه
هذي هي اللي عرفتني على الشوق
هذي قدر ماكنت حاسب حسابه

حبي لها لو أدري إن فيه مخلوق
قد حب مثله قلت ياللغرابه
هالآدمي من وين له قلب وعروق
والصبر هالمسكين من وين جابه

وأنا أتكلم ردت عيونها فوق
ثم تمتمت من هي هالأكثر رحابه
قلت ويديني تحتضنها مثل طوق
في ذمتي ما شفت غيرك سحابه