شف حال جرحي مبتسم من سواياك
حتى الجرح لا شاف وجهك يهلي
جدا غريبه حالة القلب واياك
أضحكتني وأبكيتني ويش حصل لي

ما عاد لك شي معي غير ذكراك
وشوي من عطرك به النفس أسلي
الله يحلي بالصبر مر فرقاك
والصبر دايم كل مر يحلي

أشتاق لك فعلا وأقدرك وأهواك
كم صرت بعدك فاقد الروح كلي
ما زلت أحبك وأعشقك وأتمناك
وإن جيت في بالي أبسجد وأصلي

أرجوك لا تسمع إذا الجرح ناداك
لو أبتسم للجرح أو يبتسملي
أبعد ولا ترجع وأنا أوعدك بنساك
ولا فادني يوم الندم إنت قلي