مرت من الغيد الفوارق وحده
ما هيب مثل العالم المرارة
هذي حريقه جاهزة ما باقي
ما باقي إلا وتشتعل شراره

عطرٍ يداوره الهوى وتضمه
وتجامله وتهدي استنكاره
تتشقلب وجيه البشر لا عدت
وتعلق الدنيا على مسماره

خطواتها وحده وراها وحده
مقسمه بالشبر والمتاره
تمشي خطاويها برتم ونغمه
كنّك تمشيها على القيثارة

واليا إنثنت للأرض تأخذ حاجه
إتقول طعمٍ في طرف سناره
تحرق صدور المترفات إن مرت
أكثر من السيقار والسيقاره

إتوزع البسمة على اللي معها
إياك أعني وإسمعي يا جاره
أرق من نسمة عبيرٍ غادي
تحت النحر وشوي فوق زراره