الله لو تدري وش بداخل القلب
عن حبك اللي جعل ربي يديمه
أكذب عليك إن قلت لك حب مو حب
اللي أحسه لك مشاعر عظيمة

مشيت لك خطوة وكملت لي درب
ما قد قلقت إن العواقب وخيمة
حتى البكا والحزن في ناظرك عذب
مثل الهدايا والأغاني القديمة

مثل الهواء عقب المطر كل ما هب
صوتك يرد الروح فيني وأهيمه
تشبهني أكثر مني بالبعد والقرب
الله وش لون الليالي كريمة

اللي لك بدنيا حبيبك ما هو حب
واللي رزقني بك مشاعر عظيمة
يهون بوجودك من أحلامي الصعب
وأستشعرك عمري ولذة ونعيمه