يا مدخلي متاهة كذب مابه بينها
وبين صدقك باب قلي كيف أعرف الصدق وين
وإنت حتى ايديك لا من قيل اذنك وينها
تشر اليمنى يسار وتشر اليسرى يمين

نفسي اسمع يوم سالفتك واصدق زينها
واتجاهل أي شي أسمعه ما هو بزين
مو لأني ما أميز زينها من شينها
لأني أدري إن قصدك مستحيل يكون شين

لي زمان أشوف غلطاتك واخش فعينها
واتغابى مع صراحتها واقول اش تقصدين
ولك زمان تمشي اعذارك على يدينها
لا شعرت إنك بترخص بعد ما كنت الثمين

كل يوم اتكرر الغلطة معي وادينها
ثم تذبح لي مقابل غلطتك عذر سمين
واكله وادخل متاهة كذب ما به بينها
وبين صدقك باب خلصنا وقول الصدق وين