ماني قادر ماني قادر ماني قادر

ماني قادر أقتنع إني أبيك
وصعبه أقنع روحي تتقبل غلاك
كل ما أكذب على نفسي وأجيك
ألقى نفسي رافضه فكرت هواك

قلت لك لمحت لك الله يهديك
مو معاك قلبي ولا همه وفاك
خلنا مني أنا وبالله عليك
إنت ترضى تحب واحد مو معاك

إنت ما تلاحظ ويدي في يديك
والبرود اللي سكني في لقاك
لو تغيب شهور ما فكرت فيك
والله لو ما تتصل قلبي نساك

قلتها لك والله من حرصي عليك
شوف نفسك لا تعشم بي كفاك
غيري ينتظرك بشوقه ويحتريك
روح له حبّه ولا تنظر وراك

ماني قادر ماني قادر ماني قادر