إلين الحين أنا أحبك
ولا فكرت في التوبة
المفروض تحمد ربك
وتحب إيديك مقلوبه

وإلا إنت من يصبر
عليك ويسكت ويغفر
ومع هذا ولا تقدر
حبيبك تلتفت صوبه

أشيل الهم فوق الهم
عشان أرضيك و تتهنى
ولو فيك إنت قطرة دم
تعيشني بوسط جنّة

وأمشي يالله ما يخالف
وأرجع لك وأنا حالف
مع إني واثق وعارف
طبع قلبك مع أسلوبه

أنا ما أضمن مع الأيام
أقاوم وأبقى متحمل
ترى اللي بوضعي ما ينلام
إذا يبعد بعيد ويمل

أخاف الوقت يغيرني
وتجي بكره تدورني
وقلبي اللي مصبرني
يغير في الهوى ثوبه