كلما دقيت في أرضٍ وتد
من رداة الحظ وافتني حصاة
كنت أنا وياه روحٍ في جسد
مرقده روحي وهدب عيني غطاه

ليه يا دنيا حبيبي أبتعد
هل أنا قصرت في شيٍ معاه
من قبل عامين معطيني وعد
للأسف اليوم ينكر ما حكاه

هو عطاني الشمس والقمرة بيد
هو عطاني الحب وبالتالي خذاه
عافني مرة ولا حتى نشد
كل ذاك الحب مسرع ما نساه

ليتني ما زلت طفلٍ بالمهد
لاهي ساهي عن الهم وبلاه
أنا بين الناس إكمالة عدد
ولّا أنا بالروح فارقت الحياة