اشتقت لك يا فرحة العمر وين إنت
ياللي عيوني منك ينبع ضياها

لولاك يا الغالي بدنياي ما كنت
أشفق على أيامي تطول مداها

أهين نفسي لك بمرضاك لا هنت
وأتبع هواك بعسرها عن هواها

رجلي تيامن غصب كانك تيامنت
وإن خذت باليسرى تياسر خطاها

كلن بعينه زين ولا تبينت
الكل زهد بخلقته ما بغاها

لو فات لك بالعمر تسعين ما شنت
في عين نفس علقت بك رجاها

سرقتني مثل الكرى لي تمكنت
من مهجة ما قبلك أحد غشاها

آمنت بك في عالم الحب آمنت
يا متلف روح العنا يا دواها