ما يخصني في ظروفك
اليوم لازم أشوفك
ما فيني أصبر لبكره
مشتاق عيني لشوفك

أشتاق لك حيل وأضما
وأحتاجك أكثر من الما
وأصير في بعدك أعمى
وما أشوف إلا طيوفك

لو كنت فعلاً أهمك
خلني بعيوني ألمك
بيدين قلبي أضمك
وأهنا بلمسة كفوفك

برضاك أو غصب عنك
باخذك منهم ومنك
وإذا سأل حد عنك
يقدر في عيني يشوفك

نهاري مظلم بدونك
ونجوم ليلي في عيونك
كوني أنا صار كونك
من وين ما رحت أشوفك

والله لولا هيامي
ما كان هذا إهتمامي
إفهم حبيبي كلامي
وإقرا في قلبي حروفك