متاخدة من الأيام وخايفة أشوفه صدفة
أجري عليه ولا أخاف مبقتش عارفة
ظلمته ولا ظلمني أنا مبقتش شايفة
غير إن البعد كان أريح كتير من القرب

جوة الحاجات الحلوة مية مليون وجع
كان طبعه قاسي لكنه برضه كان جدع
ومتاخدة من الأيام

في حضنه قلت كلام ما أعرفش أقوله تاني
متلخبطة وألف حاجة مخوفاني
أروح له ولا أسيبه ولا أفضل مكاني
مخدناش منه يا قلبي إلا وجع القلب

جوة الحاجات الحلوة مية مليون وجع
كان طبعه قاسي لكنه برضه كان جدع
ومتاخدة من الأيام