في سحابة على متن التمني
شفت عمري خيالٍ في سحابه

يا ذهابه تعدى ما أرجهن
كن عامه نهار يا ذهابه

من غدا به ربيع العمر مني
حسبي الله على وقت غدا به

التوى به رجا قلب يوني
ويل قلبٍ تعلق والتوى به

في شبابه حبس نشواه عني
ما تهيأ لذيذة في شبابه

ذا صوابه عقب ما هو طعني
لو نسيته يذكرني صوابه

من هقا به يخيّب كل ظني
وأعذاب الخفوق اللي هقا به

رد بابه زماني وامتحني
يوم ثوّر عجاجه رد بابه

يا ربابه على المسحوب غني
من قصيدي بكى قوس الربابه