بيني وبينك
توزك شياطينك علي يا عويد الراك
تعوذ من ابليسك وهدي شياطينك
كثر ما تهب الريح أو تشتهي ملقاك
ثمانين دعوه وقفت بيني وبينك

الا يا الغرام الصادق الواثق الشكاك
يهب الهوى ويميل عودك آه يا لينك
متى الله يجيبك لي على ودك ومشهاك
متى الشوق يفزع لي ويقلب موازينك

أبيك وابي كل اللي ودك به اشدراك
لقانا يا ليل الليل ويني أنا ووينك
يا حلو الجروح اللي تجي من ورى شلفاك
أنا رحت فيها كل ما سلهمت عينك

بعد ما هدى الموقف وجت لحظة الإدراك
ما الوم القلوب اللي غدت من مجانينك
تبي تعرف اللي وش حصل لي بعد فرقاك
أنا اللي ملايكته تنادي شياطينك