ذكراك صارت تتعب القلب والحال
والذكريات الموجعة حيل مرة
ليتك تمر العين وتفارق البال
حسدت بالي من كثر ما تمره

أكثر تفاصيلك تجيني وتختال
بين الضلوع أضمها كل مرة
إنت السبب في ضيقتي بكل الأحوال
وإنت السبب في فرحتي والمسرة

ما في جديد إلا إنتظاري ولا زال
من يوم فارقتك وأنا أموت حرة
كانه ندم دمعي كثر هالندم سأل
وكانه وله أبشرك زاد شره

ما عاد في المسرح سواك إنت أبطال
ولا عاد به جمهور غيري يتحرى
تعبت ريحني ولا تشغل البال
حسدت بالي من كثر ما تمره