الشوق ماله عمر يفنى وينعاد
له في الضلوع إن عاد وإن غاب رجفه
مع كل فرقا له ورى الجفن ميلاد
وإن ماتت الفرقا لقى الشوق حتفه

جيت اقتل الفرقا من بلاد لبلاد
مل الطريق يشيلني فوق كتفه
وأنا بعد مليت من كثر ما ارتاد
هالشارع اللي كان لك فيه شرفه

نويت أسافر عنك بجروح جداد
وعمر من اوراق الزمن حان قطفه
نويت لكن جابني الشوق منقاد
وجابك حنينك والزمن سأل عطفه

شفتك تبسم لي خجل مدري عناد
وفي نظرتك شوق من الظلم وصفه
سم اللقا صدفه واسميه ميعاد
أنا انتظرتك وإنت مريت صدفه