عن الغيمة ليا غطت سما هذا الحنين أحكيك
عن دموع تحسب الأرض تورق لا أرتمت فيها
عن اللي منكسر لجل يتلاقى مع ظلال ايديك
عن اللي كل ما ضاقت حروف اسمك يغنيها

أنا ذاك الحزين اللي بكى يرجي تقول شفيك
أبي أنزف من عيوني سوالف كنت أداريها
أبي تتذكر سنيني وتاخذني إلى ماضيك
ترى المستقبل أتعبني ولا أدري إيش تاليها

تأخرت وذوى قلب هلك من حر ما يطريك
مسافات اللقى طالت عليه وهو يخطيها
دخيلك لو نويت ترد، رد أحلام عمري فيك
ترجع روحي لروحي قبل تصعد لباريها

تعال إن كان ما تدري لغيرك ما قدرت اشكيك
أنا محتاج تسمعني جروحك لا تبديها
تعال وطمن إحساسي، طلبتك الله يخليك
ملامح وجهي في بعدك سمار الهم يغشيها