أحب الليل وعيونك سهر عيا يجيه النوم
أحب عينك وهي تحكي أحب الليل بسكاته
تسولف لي بغلا نظره وأسولف لك حنين ولوم
ما غير الليل يسمعنا وكلٍ فيه لهفاته

لا تستغرب إذا تحكي وأدور في سماي نجوم
أخاف الليل ما يسمع كلامٍ بالغلا فاته
ما بين الليل وما بينك وبيني خاطرٍ محروم
ثلاثتنا لنا موعد كلٍ يحتري أوقاته

هوانا إحساس ذوبنا ويذوبنا لحد اليوم
نذوب بشوق ما ندري ونسهر ليل ما نباته
دفانا بالشتا نرمي في موقد نارنا لهموم
نشب من الحطب جمرٍ يحس الليل بآهاته

تحط إيدك على قلبك وتلقاني بوسطه دوم
وأحط إيدي على قلبي وأسمع فيك دقاته
نموت ف بعضنا لقيا ولا ندري عن المقسوم
نموت ف بعضنا والليل يخاف الفرقى لوجاته