هلا حييت يا ضحكة على وجهي قروها الناس
هلا حييت في عمري يقين أجمل من التخمين
هلا كثر إنتظاري قبل ما عيونك تجي جلاس
هلا كبر السما يا غيم أغناني عن الحيين

أنا قبلك مثل جذعٍ غصونه للأسف يباس
يا كم مرة دفا عصفور ما عمّر معاه سنين
وجيت لقلبي نسناس خذاني من يدين اليأس
ظهر وجهك مثل دعوة وصوتك بالفرح آمين

أنادي يا بعدي رواف ويملاني الصدى إحساس
وأنا أمك كثر ما أحبك أحس بجوفي لك قلبين
أحمد الله على وجودك يا عكازي وتاج الراس
حلفت أحقق أحلامك الين الطين يرجع طين