عساك عالقوة وسو اللي تبي
صبري معك وصلتني لين آخره
باين علي الغيض لو إتحس بي
حتى طيوري عن سماك مهاجره

شف آخرة فعلك وصعبه نستبي
وقلوبنا بعد الغلا متنافره
ما عاد باقي علم ممكن يختبي
حبيبك الأول وعافك خاطره

أثر النجوم اللي تعلت تنكبي
ومهما ضوت لازم تطيح مباشره
وأنا وصلت بحبك اللي كنت أبي
وغادرت في وقتٍ لزوم أغادره

أول وحبي لك وحبك مكسبي
والحين أكبر همي إني خاسره
وإرضاك كان إرضاك عندي مطلبي
وقلبي عطاك إحساسه ومشاعره

واليوم عن شاطيك سافر مركبي
إنت السبب وإلا حظوظي العاثرة