عايزك تسمعني
ومش عايزك تعذرني
ولا تسامح

صدقني ما نمتش
لا دقيقة ولا ثانية
من إمبارح

إحساس
وبينطفي تدريجي
بتغيب وإما بتيجي
ما بحسش فرق كبير
وخلاص
ما بقاش إللي ما بينا
يستاهل نستنى
ده إحنا إتأخرنا كتير

أنا بيني وبينك خطوة
وكل واحد في مكان
ما بقيتش بحس بنفس اللهفة
وحب زمان
وأنا مش هستنى إني أخونك
يوم ولا أتخان

أصعب لحظة
بتعدي عليا في عمري بحاله
كان عمري
ما أصدق يوم نوصل للي إحنا وصلنا له

مين دول
أنا وإنت بقينا غيرنا
من جوة إتغيرنا
وبقيت ما بتشبهنيش

لا هقول
أنا مظلوم ولا جاني
في حل مالوش تاني
إننا في البعد نعيش

أنا بيني وبينك خطوة
وكل واحد في مكان
ما بقيتش بحس بنفس اللهفة
وحب زمان
وأنا مش هستنى إني أخونك
يوم ولا أتخان