رماني حظي بدربك رماني
وأنا من قبل ما أشوفك أعاني
أعاني وحشة الغربة بهمي
أداري غصتي بأقصى المعاني

أبد ما أشكي ولو الدرب موتي
أموت بعزتي واقف مكاني
ولا من الليالي ناطحتني
نحرت اللي نطح ولا رماني

ألا يا اللي نويت الهجر قل لي
وش اللي جاك مني يا الأناني
مثل أيوب صبري ما تركتني
عطيتك ذروة الهقوى معاني

حسبت إن الوفا طبعاً بذاتك
وأثر طبعك تطبعته عشاني
هقيت فارق عن كل ربعك
حسبتك شي، وأثرك شي ثاني

ضناني منك حزن الوقت كله
سنين طوال مرت بي ثواني
هجرت الناس والعزوة وطبعي
تغير واختلف لأجلك زماني