يستاهل
يستاهل الطيب يا أهل الطيب من حازه
لا خير في واحد ما هو بحايزها
أسحب على اللي سحب خله ومركازه
وأنصب عليه النصايب نصب وأركزها
الرفقة الطارفة مالي بها عازه
ولا هي بصعبه على مثلي مجاوزها
وشلون تصعب على اللي حقق إنجازه
والناس بإيديه عاجنها وخابزه
من لا يجهز لمثل اليوم مجهازه
يرتاح وباقي أموره لا يجهزها
ويا مسهل الحب لكن ما أصعب الغازه
وأنا من الناس عارفها وراوزها
السور سور الشرف والعز دروازه
والكفو قد المهمة قبل ينجزها
واللي رفع في سنام العز مركازه
إلا يغيض أهل المراكز في مراكزها
والعز وقفه ويزنها العز من فازه
لا خير في واحد ما هو بحايزها
كل تسند على الدنيا بعكازه
وأنا العصا اللي عصتني ما أتعكزها
سر انشراح الصدر يا ناس وأعزازه
الحاجه اللي لغيري بعد ما أنجزها
أفرح بها فرحة اللي حقق إنجازه
كني ملكت السما والأرض حايزها
وأكايد الكايدة والطيب أعتازه
وأجالد الوقت والدنيا أبارزها

اغنية يستاهل رابح صقر
تُعد كلمات أغنية "يستاهل" للفنان رابح صقر من كلمات خالد التويجري، وألحان رابح صقر، وقد صدرت في عام 2015، وفيما يلي كلمات الأغنية: يستاهل الطيب يا أهل الطيب من حازه لا خير في…