الخطايا عشر أولها الفتن
والتعالي والتكبر والغرور
والتجافي والتجبر والغبن
والقسا والكذب وفقدان الشعور

المنازل ماهي دورٍ تنسكن
كل ما ضاقت بالأنفاس الصدور
وين أنا ياللي على قلبي تمن
كل ما حسيت بك تهدى الأمور

كل ما تطري على بالي أون
لا أنا قادر ولا حتى معذور
ما هداك الله على قلبي تحن
وما طرى لك يا بعد عمري تزور

ابتليت بقلب آهاته حزن
أنا أعاني وإنته في ظلمك تجور
ما هدت نفسي ولا بالي سكن
تعبت عيوني وأنا قلبي صبور

ما هقيت وما هقيت وما أظن
تترك الدنيا على راسي تدور
بعد ما دق الظمأ عود الغصن
وضاع لونه وأنخطف لون الزهور

أتصبر والصبر ماله ثمن
بس ما مثل اصطناعي للسرور
أبتسم يا قلب وأضحك للزمن
خلها بيني وما بين السطور