شاسوي شاسوي لا طرالي الوله يا سعود
على الصاحب اللي مبطي ما جتني علومه
تركني تركني وأنا ناطر عساه يعود
رفيقي وأعرف الصد ما هو من سلومه

رفيقي وأعرفه طيب القلب دون حدود
طلبته وهو شيخٍ يلبي بملزومه
أبد ما هقيته يبتعد أو يجي بصدود
ولا هو بطبعه يترك القلب بهمومه

لا من طرالي صاحبي بالليالي السود
يجيني الفرح وأقول يومي قبل يومه
ولا يلحقه لومن ولا يلحقه منقود
كما الطير لا منه خذا بالسما حومه