إذا تقدر على الفرقا أنا ما عندي أي مانع
ولكن شيل من بالك تجي وتقول ما أقوى

متى ما رحت لا ترجع وأنا ماني بعد راجع
ترى من راح من كيفه له النسيان والسلوى

مصيرك وأنت إخترته وهذا فعلاً الواقع
وترى ما عاد في عمري من الحاجات ما يسوى

تفضل كمل الباقي وورني سرك الباتع
تفاصيل الكلام أحيان ما منها أبد جدوى

ولكن أحسب حسابك تراني شايف وسامع
وإذا حنيت لي باكر بتلقى أجواء غير أجواء

إذا سويت ما سويت ومهما كان لك دافع
ومن يرخصني أرخصته وعندي صفحته تطوى

تراها وحدة بوحدة وترى درب الجفا واسع
وماني واقف بدربك ولكن لله الشكوى