يا مثبت قلب من يطلب رجاء أطلب ثبات
ثبت اللي كان وده يثبت بحبن حصل
مهمهيه في شعوري راح عمري بالشتات
بين واحد ثاني ثالث عاشر ما أحتمل

نعنبو حيي وميتي ما دريت الوقت فات
في قلوب الناس ألعب ضاع وقتي ارتحل
إن لقيت الزين كامل قلت ناقص بالصفات
شيب عيني من هو اللي في عيوني مكتمل

عزتي لمن هو ضايع في غرامي لين مات
وعزتي لنفسي اللي ودها وما تعتدل
ما لي طب ولا رجاوي غير أدعي بالصلاة
وإلا قلبي من عرفته قاطعن فيه الأمل