دور اللي مشتريك
وعينه بالدنيا عليك
يترك العالم ويجيك
لو دروبك ويل ونار

دور اللي بها الزمان
ما يخونك مهما كان
يحتويك بكل حنان
ولك في دنياه اعتبار

وعيش للي حب هواك
وماله بالدنيا سواك
وأشترى بعمره رضاك
وعلى هوى هواك سار

عيش ولا تناظر وراك
منهو ضدك أو معاك
واللي ما يعرف غلاك
لا يهمك مهما صار

وخلك أكبر من العذاب
وكل أسباب الغياب
يشقى من يلحق سراب
ومن يمل الانتظار

ما كو شي يبقى ويدوم
والألم رحلة غيوم
لا تسلم للهموم
بعد كل ظلمه نهار