دلوعتي كل الحلا فيها
أحترت أنا مدري شسميها
في حسنها كن البدر ضاوي
أخت القمر محدن يساويها

محبوبتي في كامل اصباها
يا زين بسمتها وممشاها
ما واحدٍ في الكون يسواها
حتى الخطأ منها يحليها

على ديار الزين أنا ساري
ما دام دار الزين هي داري
الكون في تدليعها يماري
في الزين كل الناس تطريها

ولهان وأغلا الناس ولهانه
والشوق فيني تنبض أشجانه
دلوعتي بين البشر دانه
يا ليت ربّي لي يخليها