جيت أبا أسلم عليك والله عالم نيتي
فاجأتني نظرتك وكل شيٍ كاتمه
تنتظر مني أطيح وتشمت إنته بطيحتي
كل هذا في عيونك يا قليل الخاتمة

لا حبيبي تطمن عزتي عزتي
عيش أحلامك وكمل حلمك اللي تحلمه
جيت أجدد لك فراقي جيت أجدد خيبتي
وكل حلمٍ بك بنيته إيدي اللي بتهدمه

يعني ظنك لو أببعد عنك تنقص قيمتي
لا ورب الكون حتى الندم ما بندمه
لو سألت إنت الحنايا جاوبتك فذمتي
قالت إنك كنت فيها وطحت طيحه مؤلمه

وبعد هجرك يا أناني فيني زادت هيبتي
واكتمل بي كل ناقص كان صعب أتممه
لو سألتك كيفك إنته قلت عايش فرحتي
أحسب إنه مات وأثره باقي حي مسيلمه