خلهم ينفعونك
دامهم يعجبونك
اليوم تضحك شفاتك
بكره تبكي عيونك

صرت منهم وفيهم
صرت خاتم بإيديهم
بعت قلبك عليهم
ليتهم يشترونك

كنت غاية مناتي
وكل فكري وذاتي
كنت ماخذ حياتي
قبل ما ياخذونك

يا حبيبي ياعمري
ما ينفعك غير حبي
ما يفهمك غير قلبي
والناس ما يفهمونك

روح لهم وش تبيبي
قريب جرحي يطيبي
رحمة الله حبيبي
ولا رحمة عيونك

عطيتك أصدق شجوني
وأرخصتني يا عيوني
ما دمت عايش بدوني
بعيش عمري بدونك