تأخرتي ولا أقدر
أعيد أيام معاناتي
علاقتنا أبد ما أبيك
تعيدين النظر فيها

نسيت اللي مضى وياك
نهيت أجمل علاقاتي
نسيتك مثل ما إنتي
محبتنا نسيتيها

ما عاش الصدق في ذاتك
مثل ما عاش في ذاتي
ملامح كذب في وجهك
في كل كلمه حكيتيها

تعبت اسأل عن أخبارك
في روحاتي وفي جياتي
قطعتيني ولا أدري
وش أيامك حصل فيها

صبرت وقلت يمكن يوم
أغيّر فيك نظراتي
نصحتك للأسف مرات
ولا كنك سمعتيها

هذا كل ما فيني
كتبته فوق صفحاتي
خذيها لك وأظن إنك
فهمتي كل معانيها