إعترف إن قلبك حب ثاني
وقل على حبنا مليون رحمه
لا تزود عذابي يا الأناني
كل ما ودك اسمي تذكر اسمه

أول إن جيت شفتك في مكان
تنتظرني وتملي الدار بسمه
بس هاليوم زودت إمتحاني
حتى شكلي نسيت اليوم رسمه

كنت تسأل علي قاصي وداني
كنت لي في دروب الليل نجمه

تشتعل هم إذا غيرك دعاني
وفي عيونك ألاقي ألف كلمه
هجرك اللي مع الحيرة كواني
زاد جرحي وقلبي هد حلمه

صرت تغلط وأنا قلبي يعاني
وأتصبر وأقول الصمت حكمه