أنا عيوني على سورك
يا بنت النور

يا عطر الليل
وهمس الليل
أنا فيني الأماني سيل

أبي تعذرين إحساسي إذا قصرت
وأبي تعذرين لو قصرت في حقك
أو قصر كلامي
وما وصفك شعور
يا بنت النور
يا عقدٍ من الوله منثور

يا دانة بعين بحارك
ترى الإحساس ربانك
وأنا ربان هالمركب
وأفني رحلتي عندك
وحطيت الأمل عندك

بس الموج ما يساعد
ولا الأقدار بتساعد
وإلى الخطوة قربت مني ولا هدت
أحس إنها قريبة
ويمك تباعد

يا بنت النور
يا عقدٍ من الوله منثور

أنا لك يا بريق الماس
أنا الألماس
وإنتي لمعة الماسة وحساسة

وقلبك موطن الأزهار
وأنا اللي يعشق الأزهار
وغيري يقطف إحساسه

لكن ما يهم اللي
تولع في غرام الورد
إلى ما نسيته وردة
سقاها بلهفة أنفاسه

أنا يا وردة العشاق
ونار الحب والأشواق
أنا أول من عرف قلبك
وأول من سمع نبضك
وأول شخص لك أشتاق

يا بنت النور
يا عقدٍ من الوله منثور