حظ عيني لو تشوفك كل يوم
حظها وإنته لناظرها الضياء
نام فيها نام وأنعس لا تقوم
بالسعادة يا تباشير الحياء

إنت اللي لك أنا عمري أسوم
وأرخص الغالي بلا زيف ورياء
والبقايا مالهم عندي لزوم
قلبي وقلبك حبايب أوفياء

غيبتك وجدان وأحزان وهموم
تتعب أفكاري تسبب لي عياء
ودي بشوفتك مع طيب العلوم
عن عيوني لا يباعدك النياء

صدق أنا مشتاق لكني كتوم
أجبر عزومي ويمنعني الحياء
منزلي فوق الكواكب والنجوم
وافي وسمعي على صوتك حياء

وش على عيني ولو شافتك دوم
دامك إنت في نواظرها الضياء
نام فيها نام وأنعس لا تقوم
بالسعادة يا تباشير الحياء