أطلق سراح الرضى وانعم بلذاته
ما في الزعل خير لا تزعل وتزعلني
الحب لا تشتقي وتعد غلطاته
أذكر جميل الغلا واقنع وكلمني

القلب لك بالغلا خضرن مساحاته
ترعى النوامي وأنا بالبال تشغلني
راعي الهوى ما يدور غير مشهاته
اعدل معك بالمحبة وإنت تظلمني

ما هو بقلبي معك يلعب برغباته
ما كنه اليوم من روحي ولا مني
لا تأخذ الهاجس الخايف بنياته
حاول تخالف شكوك النفس وافهمني

لا تحرق القلب يالغالي بحسراته
إن كان يرضيك زود الشوق فمهلني
حبي خفايا الحراير من معاناته
يا ليتك بهم حبي لك تقاسمني

ولو يدرك اللي يبيه الحي ما فاته
لقيتك بحبي الأول تعللني
وإن كان شككت في قلبي وغاياته
عندك قضاة الهوى والحب حاكمني