نظرتي ما هي ترى نظرة وله
وكلمتي ما تعني إني أرتجيك
النهاية ما هي شرط بمشكلة
إنتهينا يعني ما أسأل عليك

دربنا ضاع وعجزنا نوصله
لا تحسفنا على الخطوات ذيك
حلمي إن ما عاش ما أرضى أقتله
مبدأي دايم تقبل ما يجيك

الهوى دايم بدايته أجمله
وآخره ذكرى تحددها بيديك
وأنا أشوف إنا وصلنا لمرحلة
ما بقى فيها أبيك وما أبيك

هذا واقعنا ولازم نقبله
وافهم إني ما أبقطع يوم فيك
بإختصار وكل ما في المسألة
إنتهينا بس أبي أسأل عليك