جبار حبك ولكنك علي غالي
وقلبي على حبك الجبار وصيته
يا أول غلا في خفوقي وآخر أمالي
من قلبك الحب والإخلاص حسيته

مرت شهور بغيابك وإنت في بالي
أشتاق أشوفك وبعدك ما تمنيته
غبتك يا روح روحي عذبت حالي
عانيت جرح الغلا والشوق قاسيته

ما همني قول عذالك وعذالي
والا الزمن لا نوى الفرقا تحديته
العمر دونك حبيبي كيف يحلا لي
غيرك من الناس كم جاني وصديته

عادي تموت البشر بس إنت تبقى لي
يا من على الروح قبل القلب وليته
غالي وتبقى على بعد المدى غالي
ما يطوي الوقت صفحه شخص حبيته