بكيتك داخلي مدري بكاني داخلي أو حس
بان اللي نزفته موت وإنت سامع ورايف
شعرتك عدلي وظلمي عرفتك ما جهلتك بس
جهلت اللي ما بين ضلوع صدري بالحزن طايف

أشوفك بين نبض وروح عين وشوف قلب ونفس
أشوفك دنيتي بالله قلي شلون أنا عايف
أبنطق إسمك بصدري وحط يدك عليه وجس
تفز تقوم تتلفت ضلوعي وإنت مو شايف

تصبّر أو تجبّر بي أبجتهدك وحفظ الدرس
تمسك بالطموح اللي رقابك مرقب نايف
بتبعد أو تقربني تربع بالحنايا وقس
مسافة بين نزع الروح وبين أرجوك أنا خايف