آه منكم يا بتوع مصر
دمكم زي الشربات
همكم يعصركم عصر
تضربوا ضحك في خلاط

مالكوش كتالوج في هزاركم
والكلمة الحلوة فطاركم
كل اللي عرفكم زاركم
خذ واجبه عشر مرات

يعني على بلاطة
عيشينها بكل بساطة
يومكم بيعدي بنكتة
بتكون للجرح خياطة
حبكم في الطالع
عالقلب هيفضل طابع
وكمان بتزيد غلاوتكم
من غير ولا أي مطامع

آه منكم يا بتوع مصر
دمكم زي الشربات
همكم يعصركم عصر
تضربوا ضحك في خلاط

بيقولوا عليكم في مصر
مفيكوش ولا حد كئيب
وعليكم طولة صبر
وكلام عالجرح يطيب

الله على خفة روحكم
ناشرين فرحكم في سطوحكم
ودايماً على سقف طموحكم
لاعبين كل الألاعيب

مالناش كتالوج في هزارنا
والكلمة الحلوة فطارنا
كل اللي عرفنا وزارنا
خذ واجبه عشر مرات

آه منكم آه منكم
آه منكم يا بتوع مصر
دمكم زي الشربات
همكم يعصركم عصر
تضربوا ضحك في خلاط