ما بفتكروش ولا أزعل عليه
ده اللي عمري مفكر فيه
هو إختار البعد وراح
ساب النعمة ومشي فرحان
راجع عامل فيها ندمان
طب ده أنا ما صدقت أرتاح

إيه !
قولوا له يلا يلا روح مع السلامة
مالوش خلاص مكان يا قلبي مش معانا
مالوش في وقتي حتى ثانية تضيع عليه

إيه !
قولوا له ينسى ينسى حتى أي فرصة
وجوده جنبي كان خطر كإنه كارثة
لحقت قلبي من اللي كان بيأذي فيه

مكفتهوش ليالي العذاب
قام مشي بسهولة وساب
هان عليه كل اللي إتعاش
طب بقى ما يرجعش يقول
إنه عايز أي حلول
هو إيه ما بيستكفاش

إيه !
قولوا له يلا يلا روح مع السلامة
مالوش خلاص مكان يا قلبي مش معانا
مالوش في وقتي حتى ثانية تضيع عليه

إيه !
قولوا له ينسى ينسى حتى أي فرصة
وجوده جنبي كان خطر كإنه كارثة
لحقت قلبي من اللي كان بيأذي فيه