مهرةٍ تلعب على روس الجبال
تلمس الغيمة وبارقها نزل
من بعيد أشوفها شمس الجمال
مثل عطر الريح من شيح ونفل

من يلوم القلب في ريم الشمال
يا قمر نصف الشهر ليل أكتمل
في حلها عدت حدود الخيال
لا أبعدت في فرحتي كيف العمل

صمتها عقل وثقل بنت الحلال
وإن حكت منطوقها مثل العسل
ما خبرت إن الكحل بالخد سال
رمشها من والي الكون اكتحل

لي جمع ليل الفرح غترة وشال
والله إنه عز ما مثله حصل
ساعةٍ فيها الشعر غنى وقال
صوت مسحوب وتواصيف وغزل

واهني الروح في طيب الوصال
واعناها لا انقطع حبل الأمل
أقفت بروحي ولا قالت تعال
العفو لو غبت وأبديت الزعل