اسأل نفسي دايماً
ليش يشغلني مصيرك
حتى بفكري هائماً
يا ترى وش هو أخيرك

لاني حبيبك أو قريب
حتى تكوني إهتمامي
وأنا معك مثل الغريب
ما همك بحالي وهيامي

الصمت في نفسي جليل
والقول ما حرك لساني
والدرب في وصلك طويل
يا ليت أملي لك خذاني

في عينك الشي العجيب
يحل من عزمي لزامي
حتى إذا زولك يغيب
كنك على الذكرى أمامي

الوقت في طيه حدث
بخير بشراه أو بغيره
والعمر في الدنيا ورث
للغيد ما ينصاد طيره

واللي به إحساسي يصيب
تجزيه عيني عن كلامي
يدري إنه لقلبي حبيب
وأعامله بصادق غرامي